Црквиште — археолошко наоѓалиште во близина на струшкото село Бороец. Претставува сакрален објект од доцниот среден век. Се наоѓа на околу 2 км северозападно од селото, каде што има зачувани темели на црква со насоченост исток-запад и димензии од 6 × 3 м. Во непосредна близина се наоѓа денешната мала капела, која е подигната врз темелите од постара градба. Наоѓалиштето е обраснато со дабова шума.